Бугунги кунда турли ёт ғояларнинг ижтимоий тармоқлар орқали тарқатилиши, айниқса, ёшларнинг онги ва дунёқарашига салбий таъсир кўрсатмоқда.Бундай ғоялар таъсирига тушган шахслар экстремистик кучлар сафига жалб этилиши, жамиятдаги тинчлик ва барқарорликка раҳна солувчи ҳаракатларга қўшилиб қолиши мумкин.
Шу боис интернет тармоғида тарқатилаётган турли мазмундаги ахборотларга нисбатан ҳушёр ва огоҳ бўлиш, ёшларни бундай хавфлардан ҳимоя қилиш муҳим аҳамият касб этади.
Хусусан, республика миқёсида ўтказилаётган “Хавфсиз ва соғлом юрт” тезкор-профилактик тадбирлари доирасида Давлат хавфсизлик хизмати ҳамда Ички ишлар органлари ходимлари Қарши шаҳрида яшовчи, 2006 й.т. фуқаро томонидан “Telegram” мессенжерида ташкил этилган “виртуал гуруҳ” фаолиятига чек қўйишди.
Аниқланишича, мазкур шахс дастлаб ижтимоий тармоқлар орқали экстремистик оқимлар ёлловчиларининг таъсирига тушган.
Сўнгра 1980 ва 2007 йиллар оралиғида туғилган 13 нафар аъзодан иборат гуруҳ тузиб, унда радикал ғояларни тарғиб қилган, шунингдек, “жиҳод” ва “шаҳидлик”ка чорловчи материалларни тарқатган.
