Ташкилотчилар – Хитойнинг Инсон ҳуқуқларини
ривожлантириш жамғармаси (China Foundation for Human Rights Development, CFHRD)
ва Инсон ҳуқуқлари бўйича Ўзбекистон Республикаси Миллий маркази.
Форумда Хитой ва Марказий Осиё давлатларининг инсон
ҳуқуқлари соҳасидаги ўзаро ҳамкорлигининг асосий устувор йўналишлари кўриб
чиқилади. Ривожланиш ҳуқуқини рўёбга чиқариш мақсадида камбағалликни
қисқартириш ва аҳоли фаровонлигини яхшилаш бўйича лойиҳаларни амалга ошириш,
экологияни муҳофаза қилиш, яшил ривожланиш ва инсон ҳуқуқларини ҳимоя қилиш,
инсон ҳуқуқлари ривожига кўмаклашувчи рақамли интеллектуал технологияларни
илгари суриш каби соҳалардаги ҳамкорлик истиқболлари муҳокама қилинади.
Муҳокамаларда Хитой, Қозоғистон, Қирғизистон,
Тожикистон, Туркманистон ва Ўзбекистоннинг инсон ҳуқуқлари соҳасидаги эксперт,
илмий, давлат ва ишбилармон доиралари вакиллари иштирок этади. Жами тахминан
100 нафар (40 нафар хорижий ва 60 нафар миллий) иштирокчи қатнашиши кутилмоқда.
Тўртинчи форум «Юқори сифатли ривожланиш орқали инсон
ҳуқуқлари соҳасидаги тараққиётни биргаликда илгари суриш» мавзусига
бағишланади.
Бундан олдин биринчи форум – 2023 йил 12 сентябрда
Пекин шаҳрида, иккинчи форум – 2025 йил июнь ойида қўшни Қозоғистоннинг
Остона шаҳрида ва учинчи форум – 2025 йил июль ойида Хитойнинг Сиань шаҳрида
бўлиб ўтган.
Инсон
ҳуқуқлари бўйича Ўзбекистон Республикаси
Миллий
маркази матбуот хизмати.
