Лойиҳага мувофиқ, филиалда қуйидаги таълим йўналишлари бўйича мутахассислар тайёрлаш режалаштирилган.
Бакалавриат:
- Халқаро хитой тили таълими;
- Туризм бошқаруви;
- Халқаро бизнес;
- Сунъий интеллект.
Магистратура:
- Хитой тили ва маданиятини ўқитиш методикаси;
- Таълим бошқаруви;
- Сунъий интеллект ва таълим технологиялари.
Лойиҳага кўра, филиалда таълим жараёни кундузги ва масофавий шаклларда ташкил этилади. Дарслар хитой, ўзбек ҳамда инглиз тилларида олиб борилиши кўзда тутилган.
Айни пайтда қарор лойиҳаси бўйича фикр ва таклифлар жамоатчилик муҳокамаси доирасида қабул қилинмоқда. Фуқаролар ўз таклифларини Норматив-ҳуқуқий ҳужжатлар лойиҳалари муҳокамаси портали орқали билдиришлари мумкин.
