Ўзбекистон Миллий инвестиция жамғармаси «Franklin Templeton» билан ҳамкорликда Лондон ва Тошкент фонд биржаларида IPO жараёнини бошлади», — деб ёзди Президент Администрацияси раҳбари Саида Мирзиёева.

Таъкидланишича, сўнгги йилларда амалга оширилган тизимли ва изчил ислоҳотлар натижасида Ўзбекистон иқтисодиёти уч баробар ўсди, давлат институтлари самарадорлиги ортди ҳамда инвесторлар учун ишончли кафолатлар яратилди.

«BlackRock», «Franklin Resources», «Redwheel» каби дунёнинг йирик инвестиция компанияларининг ушбу жараёнда иштирок этаётгани халқаро ҳамжамият Ўзбекистон танлаган йўл ва мамлакат келажагига катта ишонч билдираётганининг ёрқин тасдиғидир.

Мазкур IPO Ўзбекистоннинг глобал молия бозорлари билан интеграциялашуви ва очиқ иқтисодиёт сари ташлаётган энг муҳим қадамлардан бири сифатида баҳоланмоқда.