Мазкур гуруҳда дастлаб Шимолий Корея иштирок этиши керак эди. Бироқ жамоа мусобақада қатнашишдан бош тортгани сабабли D гуруҳида фақат 3 та терма жамоа — Ўзбекистон, Австралия ва Ҳиндистон қолганди.
1-турда Австралия Ҳиндистон дарвозасига жавобсиз 4 та гол урганди. Иккинчи турда эса амалдаги чемпион Ўзбекистон ҳам ҳиндларни ишончли тарзда мағлуб этди.
Натижада Ўзбекистон ва Австралия муддатидан аввал чорак финал йўлланмасини расмийлаштирди.
Шу билан бирга, ҳар икки терма жамоа Қатарда бўлиб ўтадиган U-17 Жаҳон чемпионатида иштирок этиш ҳуқуқини ҳам қўлга киритди.
Маълумот ўрнида, 13 май куни гуруҳ босқичининг сўнгги турида Ўзбекистон ва Австралия ўзаро майдонга тушади. Ушбу учрашувда гуруҳ ғолиби аниқланади.
