Бу ҳақда Рақамлаштириш вазирлиги маълум қилди.
Қайд этилишича, Американинг Amazon Leo ҳамда «
Amazon Лео — аввал Project Kuiper номи билан танилган Amazonʼнинг паст орбитадаги сунъий йўлдошлар тармоғи бўлиб, у дунё бўйлаб юқори тезликдаги ва кам кечикишли интернет хизматларини тақдим этишга мўлжалланган. Лойиҳа 3 000 дан ортиқ сунъий йўлдошдан иборат глобал тармоққа таянади.
Келишувга мувофиқ, мазкур хизмат Ўзбекистонда нафақат шаҳарларда, балки телекоммуникация инфратузилмаси етарлича ривожланмаган ёки умуман мавжуд бўлмаган чекка ва бориш қийин ҳудудларда ҳам интернетдан фойдаланиш имконини кенгайтиради.
Тизимда сунъий йўлдошлар ўзаро юқори тезликдаги оптик алоқа орқали боғланган бўлиб, ердаги хавфсиз шлюз станциялари, толали-оптик тармоқлар ҳамда интернет алмашинув нуқталари билан интеграция қилинган. Фойдаланувчилар тармоққа Leo Nano, Leo Pro ва Leo Ultra терминаллари орқали уланади.
Мазкур келишув амалга оширилса, Ўзбекистонда сунъий йўлдош интернет хизматлари бозорида рақобат кучайиши, чекка ҳудудларда рақамли хизматлардан фойдаланиш имкониятлари кенгайиши ҳамда давлат ва хусусий сектор учун янги технологик ечимлар пайдо бўлиши кутилмоқда.
Шу билан бирга, хизматнинг мамлакатда қачон тижорий асосда ишга тушиши, тарифлари ва абонент қурилмалари нархи ҳозирча эълон қилинмаган. Бу маълумотлар лойиҳанинг кейинги босқичларида маълум қилиниши кутилмоқда.
