Бу ҳақда Энергетика вазирлиги маълум қилди.
Маълумотларга кўра, умумий ишлаб чиқариш ҳажми 3 млрд 27 млн кВт·соатни ташкил этган. Шундан:
- қуёш фотоэлектр станциялари ҳиссаси — 1 млрд 640 млн кВт·соат
- шамол электр станциялари ҳиссаси — 1 млрд 387 млн кВт·соат
Қайд этилишича, ушбу кўрсаткич ўтган йилнинг мос даврига нисбатан 792 млн кВт·соатга ёки 37 фоизга кўпдир.
Натижада 807 млн куб метр табиий газ тежалди, атмосферага 1 млн 740 минг тоннадан ортиқ зарарли моддалар чиқарилишининг олди олинди
Шунингдек, жорий йил бошидан буён барча гидроэлектр, қуёш ва шамол электр станциялари томонидан жами 4 млрд 650 млн кВт·соат электр энергияси ишлаб чиқарилди.
Бу эса 1 млрд 240 млн куб метр табиий газ тежалишига, атмосферага 2 млн 674 минг тоннадан ортиқ зарарли моддалар чиқарилишининг олди олинишига хизмат қилди
Вазирликка кўра, мазкур ҳажмдаги электр энергияси ўртача 5,8 млн хонадоннинг 4 ойлик ёки 1,9 млн хонадоннинг бир йиллик эҳтиёжини қоплашга етади.
