Бу ҳақда Рақобат қўмитаси маълум қилди.
Қайд этилишича, Президент Шавкат Мирзиёев топшириқлари ижросини таъминлаш мақсадида қўмита томонидан авиация бозорида ички авиақатновлар тарифлари, нархларни шакллантириш тартиби ва хизматлардан фойдаланиш имкониятлари ўрганилган.
Ўрганишлар давомида авиақатновлар билан боғлиқ ташиш харажатларини мақбуллаштириш имкониятлари таҳлил қилиниб, ички йўналишларда авиачипталар нархини пасайтириш бўйича таклиф ва тавсиялар ишлаб чиқилган.
Ушбу таклифлар юқори турувчи инстанциялар томонидан қўллаб-қувватланган. Натижада Рақобат қўмитаси «Uzbekistan Airways» АЖ билан ҳамкорликда ички авиақатновлар тарифларини қайта кўриб чиқди.
Қайд этилишича, мазкур чора-тадбирлар аҳоли учун авиақатновларни янада қулай ва ҳамёнбоп қилиш, ички туризмни ривожлантириш, ҳудудлар ўртасида ҳаракатланиш имкониятларини кенгайтириш ҳамда хизмат сафарлари ва шахсий ташрифларни режалаштиришда қўшимча қулайлик яратишга қаратилган.
Рақобат қўмитаси аҳоли манфаатларига дахлдор бозорларни таҳлил қилиш ва ўрганиш ишларини изчил давом эттириб, аниқланган муаммолар бўйича амалий чоралар кўришга алоҳида эътибор қаратмоқда.
