Ташриф давомида Биринчи хоним муассасада ташкил этилган ўқув новвойхонаси фаолияти билан танишди. Ушбу масканда ўқувчилар амалиёт асосида нонвойлик касби сирларини ўзлаштириб, келгусида мустақил ҳаётга тайёргарлик кўриш имконига эга бўлмоқда.
Қайд этилганидек, бундай ўқув-амалий лойиҳалар имконияти чекланган болаларнинг касбий кўникмаларини ривожлантириш ва уларни жамиятга интеграция қилишда муҳим аҳамият касб этади.
Шунингдек, Биринчи хоним Ижтимоий ҳимоя миллий агентлиги ҳузуридаги Болалар ижодкорлиги ва истеъдодларини ривожлантириш инклюзив маркази тарбияланувчилари билан суҳбатлашган.
Суҳбат жараёнида ўқувчилардан бири Зироат Мирзиёевага ўзи ясаган тақинчоқни совға қилган.
Шу билан бирга, Биринчи хоним экофаоллар билан биргаликда “Арда Хива” туризм мажмуасида 3 мингдан ортиқ дарахт ва бошқа ўсимликлар экиш тадбирида иштирок этган.
