Қонунбузилишлар Жиззах, Сирдарё ва Фарғона вилоятларида қайд этилган. Аниқланган ҳолатлар юзасидан мажбурий кўрсатмалар берилган, айрим масъулларга нисбатан маъмурий баённомалар расмийлаштирилиб, ҳужжатлар судга юборилган.
Жиззах вилоятида электрон махсус ахборот порталлари маълумотлари асосида ўтказилган мониторинг натижасида умумий қиймати 1,5 млрд сўмдан ортиқ давлат харидларида қонунбузилишлар аниқланган.
Хусусан:
- Арнасой туман тиббиёт бирлашмасида — 588,3 млн сўмлик аутсорсинг хизмати;
- вилоят ихтисослаштирилган санъат мактаб-интернатида 6 та савдода — 333,1 млн сўмлик товар-моддий бойликлари;
- силга қарши кураш диспансерида — 420 млн сўмлик аутсорсинг хизмати;
- Дўстлик туман мактабгача ва мактаб таълими бўлимида — 183,1 млн сўмлик қурилиш моллари хариди.
Савдоларда иштирокчиларга асоссиз талаблар қўйилгани ва талабгорлар нотўғри баҳолангани аниқланган. Шу муносабат билан «Рақобат тўғрисида»ги қонуннинг 29-моддаси талаблари бузилганлиги юзасидан ишлар қўзғатилиб, бажарилиши мажбурий бўлган кўрсатмалар берилган.
Масъулларга нисбатан маъмурий баённомалар расмийлаштирилиб, суд органларига юборилган.
Сирдарё вилоятида «Иссиқлик электр тармоқлари» АЖнинг «Сирдарё ИЭС» филиалида ўтказилган танлов ва тендер савдолари ўрганилди.
Умумий қиймати 22,5 млрд сўм бўлган савдоларда «Рақобат тўғрисида»ги қонуннинг 29-моддаси ҳамда «Давлат харидлари тўғрисида»ги қонуннинг 42, 46 ва 61-моддалари талаблари бузилгани аниқланган.
Ҳолат юзасидан Вазирлар Маҳкамасининг 2005 йил 12 октябрдаги 225-сон қарори билан тасдиқланган Низом асосида иш қўзғатилиб, бажарилиши мажбурий бўлган кўрсатма берилган.
