Тартылған қаржылар жаңа өндірістік қуаттарды іске қосуға,
экспорттық әлеуетті арттыруға, халықты жұмыспен қамтуға, жергілікті өнім
түрлерін кеңейтуге және елорда экономикасының тұрақты өсуін қамтамасыз етуге
бағытталды.
Есепті кезеңде Ташкент қаласының жалпы аумақтық өнімі
(ЖАӨ) 226,0 трлн сумды құрады. Бұл өткен жылдың осы кезеңімен
салыстырғанда 13,3 пайыздық өсімді білдіреді.
Белгіленген 11,2 пайыздық болжам артығымен
орындалып, нәтижесінде Ташкент қаласы республика бойынша ЖАӨ өсімінің ең жоғары
қарқынын көрсетті.
Сонымен қатар, 2026 жылдың алғашқы алты айында
өнеркәсіп өнімдерінің өндіріс көлемі 109,6 трлн сумды құрады. Бұл
көрсеткіш өткен жылдың осы кезеңімен салыстырғанда 8,0 пайызға өсті.
Белгіленген 8,0 пайыздық жоспар толық орындалды.
Инвестициялар бағытында есепті кезеңде 4,3 млрд
АҚШ доллары көлемінде тікелей шетелдік инвестициялар мен несиелер игерілді.
Бұл өткен жылдың осы кезеңімен салыстырғанда 1,5 есе көп болып, шетелдік
инвесторлардың елорда экономикасына деген сенімінің артып келе жатқанын
көрсетеді.
Сондай-ақ:
Жергіліктендіру бағдарламасы аясында 77 жоба
жүзеге асырылып, 4,9 трлн сум көлемінде өнім өндірілді. Белгіленген
көрсеткіштер 148 пайызға орындалды.
Бұл жобалар импорттың орнын бастын өнім өндірісін
кеңейтуге, ішкі базарды отандық өніммен қамтамасыз етуге, өндірістік шығындарды
азайтуға және жаңа кооперациялық байланыстарды қалыптастыруға ықпал етуде.
Жергіліктендіру жобаларының нәтижесінде 121,6 млн
АҚШ доллары көлемінде экспорт жүзеге асырылды. Бұл Ташкент кәсіпорындарының
сыртқы базардағы позициясының
нығайып, жергілікті өнімдердің халықаралық бәсекеге қабілеттілігі артып келе
жатқанын көрсетеді.
Қол жеткізілген нәтижелердің басты әлеуметтік
тиімділігі – жаңа жұмыс орындарының ашылуы, халық табысының артуы, заманауи
өндірістердің іске қосылуы, өнеркәсіптік әлеуеттің кеңеюі және қаланың
экономикалық әрі әлеуметтік инфрақұрылымын дамытуға қосымша мүмкіндіктердің
жасалуы.
