Бұл туралы Бәсекелестік комитеті мәлімдеді.
Комитеттің хабарлауынша, Президент Шавкат Мирзияевтің тапсырмаларын орындау мақсатында авиация нарығындағы ішкі әуе рейстерінің тарифтері, баға белгілеу тәртібі және қызметтерді пайдалану мүмкіндіктері зерттелген.
Зерттеу барысында әуе тасымалдарына байланысты шығындарды оңтайландыру мүмкіндіктері талданып, ішкі бағыттардағы авиабилеттердің бағасын төмендету бойынша ұсыныстар әзірленген.
Аталған ұсыныстар жоғары тұрған инстанциялар тарапынан қолдау тапқан. Нәтижесінде Бәсекелестік комитеті «Uzbekistan Airways» акционерлік қоғамымен бірлесіп, ішкі әуе рейстерінің тарифтерін қайта қарады.
Мәлімделгендей, бұл шаралар халық үшін әуе қатынасын барынша қолжетімді әрі қалтаға салмақ түсірмейтін етуге, ішкі туризмді дамытуға, өңірлер арасындағы қатынау мүмкіндіктерін кеңейтуге, сондай-ақ іссапарлар мен жеке сапарларды жоспарлау кезінде қосымша қолайлылық жасауға бағытталған.
Бәсекелестік комитеті халықтың мүдделеріне тікелей қатысты нарықтарды талдау және зерттеу жұмыстарын жүйелі түрде жалғастырып, анықталған мәселелер бойынша нақты шаралар қабылдауға ерекше назар аударып келеді.
