Эски тартиб бўйича тиббий маълумотномани олиш учун шифохонага қайта бориш ва навбатларда туриш талаб этиларди. Энди барчаси рақамлашди!
Бу турдаги маълумотнома қуйидаги тоифадаги фуқароларга тақдим этилади:
ОТМ, лицей ва коллежларга ҳужжат топширувчи абитуриентлар;
Спортчилар ва ишга кирувчи номзодлар;
Судялик лавозимига тайинланадиганлар;
“Мурувват” ва “Саҳоват” уйларига йўлланма олувчи кексалар ҳамда ногиронлиги бўлган шахслар.
Маълумотномани онлайн юклаб олиш тартиби қуйидагича:
my.gov.uz порталига киринг.
“Соғлиқни сақлаш” бўлимига ўтинг.
“086-шаклдаги тиббий маълумотномани олиш” хизматини танлаб, ҳужжатни юклаб олинг.
Муҳим эслатма: Маълумотнома порталда шаклланиши учун фуқаро аввал тегишли тиббиёт муассасасида шифокорлар кўригидан ўтган бўлиши лозим. Шифокорлар хулосаси базага киритилгач, ҳужжатни масофадан туриб олишингиз мумкин.
