Хавфли ҳодиса туфайли содир бўлган ушбу воқеадан олтмиш йилдан ортиқ вақт ўтгач, топилган рюкзаг ва ичидаги анжомлари билан эгасига қайтариб берилди, деб хабар берди vokrugsveta.ru.
Ҳозирда ўша альпинист 86 ёшда Унинг 1963 йилдан бери музликда ётган буюмлари топилгач, ўғли орқали орқали эгасига қайтарилганлигини маълум қилди The Guardian нашри.
Нашрнинг таъкидлашига кўра, бошқа бир турист шу йил июль ойида Австриянинг Тирол ҳудудига қарашли Зульцталфернер музлигида ноодатий топилмага дуч келди. Денгиз сатҳидан тахминан 2955 метр баландликда у ўтмишга назар ташлаш имконини берувчи эски рюкзакни топди. Улар орасида муз майдалагич, фотоаппарат ва трубка, 1950–1960 йилларга тегишли деб тахмин қилинаётган бошқа буюмлар ҳам бор экан.
Австрия полицияси топилма билан қизиқди. Ҳуқуқ-тартибот идоралари ходимлари рюкзакнинг кимга тегишли эканлигини аниқлашга киришдилар, бироқ вазифа осон кечмади. Чунки ичидаги ҳужжатлар ўнлаб йиллар давомида деярли чириб кетган эди. Шунга қарамай, сақланиб қолган парчалар бўйича полициячилар эгасининг исмини аниқлашга ва уни топишга муваффақ бўлишди.
Маълум бўлишича, рюкзакнинг йўқолиши 1963 йил августида юз берган. Ўшанда эркак дўстлари билан музликни кесиб ўтаётган бўлган ва бир маҳал у чуқур ёриққа тушиб кетди. Яхшиямки, альпинистлар арқон билан бир-бирга боғланган эди. Шунинг учун ўртоқлари уни ташқарига олиб чиқишга муваффақ бўлишди.
Бироқ муз ёриғидан чиқариш муаммонинг фақат ярми эди. Оғирликни камайтириш ва ўзини қўшимча хавф остига қўймаслик учун эркак рюкзагини ечиб, пастга ташлаган . Эҳтимол, у қачонлардир ўз буюмларини яна кўраман, деб ўйламагандир.
Рюкзак музлик қатламининг ўзгариши уни ташқарига олиб чиққунга қадар музликда 60 йилдан ортиқ вақт давомида ётди. Ўша альпинистнинг ўзи ҳозирда тоққа мустақил равишда бориб, топилган буюмларни олиб келиш учун кекса ва хаста бўлиб қолган. Шунинг учун полиция буюмларни унинг ўғлига топширди, у эса уларни отасига етказиб берди.
