Ўқитдик, уйли-жойли, оилали қилдик. Ҳозир ўттиз нафардан кўпроқ неварам,  йигирма нафар чеварам бор. Уларнинг қуршовида бахтли ҳаёт кечирмоқдамиз.

Тўқсонга кирган турмуш ўртоғим менга суёв. Бир-биримизга, невара-чевараларга овунамиз. Яратганга шукр, шунча ёшга кирган бўлсак ҳам соғлигимиз яхши. Фарзандларимиз ҳамроҳлигида бўлса-да тўй-марака, маросимларга борамиз. Одам заҳрини одам олади-да. Бўлмаса кун ўтиши қийин.

Газета ўқишга кўзим бўлмайди, аммо телеканалларни кўраман. Кўрганда ҳам соатлаб кўраман. Президентимиз Шавкат Мирзиёев раҳбарлигида амалга оширилаётган ислоҳотларни телевизорда, амалда Зангиота тумани мисолида ўз кўзим билан кўриб қалбим фахр-ифтихорга тўлади. Шундай дориломон кунларга етказганига шукроналар келтираман.

Биргина биз яшаб турган Зангиота тумани Назарбек ҳудудини олайлик. Айниқса, кейинги ўн йил ичида бу ерда жуда катта ишлар қилинди. Қанча ёшлар ишли, қанча уй-жойсиз, қийналиб юрган оилалар “кичик ватанли” бўлди. Тўқсонинчи йиллар 3-4 маҳаллага битта дўкон бўларди. Ҳозир эса ҳар маҳаллада етарлича савдо нуқталари, хизмат кўрсатиш шохобчалар ишлаб турибди.

Авваллари қишда лой, ёзда чанг, тунда зимистон бўладиган кўчаларимиз асфальтланди, равон ва чороғон йўлларга айланди. Яширмайман, бир пайтлар маҳалламизда электр энаргия, сув ва газ таъминотида жиддий муаммолар мавжуд эди. Энди бу борада камчилик йўқ. Буларни, давлатимиз томонидан ёшларга яратиб берилаётган имконият ва имтиёзларни кўриб йигит бўлиб қолгим келади. 

Тўғриси, баъзан ўз оиламиздаги муаммони ечишга қийналамиз. Энди салкам 40 миллионли мамлакат аҳолисининг кундалик ҳаёти билан боғлиқ камчиликларни бартараф этишни ўйлаб кўринг. Бу гапларни гапириш осон. Давлат раҳбарига енгил тутманг.  У киши бошчилигида кейинги йилларда амалга оширилаётган улкан ислоҳотларни–ишларни кўриб, тўғриси, ақлим шошади, юрагим ҳаприқади. Назаримда, етиб бўлмайдиган орзулар ушалаётгандек.

Инсон қадри улуғланаётган Янги Ўзбекистонда яшаяпмиз. Мамлакатимизда эришилаётган ютуқлар, катта ислотлар бошлангани, Учинчи ренессанс пойдеворига асос солингани халқаро экспертлар томонидан этироф этилмоқда.

Юртимиз тинч, халқимиз фаровон. Бахтли яшаш учун бундан бўлак яна нима керак. Бунинг учун Яратганга шукроналар келтириб, ана шундай бахтни–имкониятларни  бизга–халқимизга муҳайё этган Президентимизга минг раҳмат дегим келади.

 

Аминжон Қодиров,

пенсионер