Клуб матбуот хизматининг хабар беришича, номзодлар орасида Ўзбекистон терма жамоаси ҳимоячиси Абдуқодир Ҳусанов, ярим ҳимоячи Бернардо Силва ва ҳимоячи Нико Ўрайли бор. Ғолиб мухлисларнинг овоз бериш натижаларига кўра аниқланади, натижалар келаси ойнинг бошида маълум бўлади.
Эслатиб ўтамиз, 22 ёшли ўзбекистонлик ҳимоячи аввал ҳам даъвогарлар қаторида бўлган, ўтган ойда эса энг кўп овоз тўплаб, жамоанинг энг яхши футболчиси деб топилган эди.
Апрель ойида Ҳусанов барча турнирларда 4 та ўйин ўтказиб, ҳамма жойда асосий таркибда майдонга тушди ва 90 дақиқадан ўйнади. "Манчестер Сити" ушбу учрашувларнинг барчасида, жумладан, "Ливерпул" (4:0), "Челси" (3:0), "Арсенал" (2:1) ва "Бёрнли" (1:0) га қарши ўйинларда ғалаба қозонди. Учта ўйин Премер-лигага, яна бири Англия кубогига тўғри келди.
Мухлислар ҳавола орқали овоз бериш орқали Ҳусановни қўллаб-қувватлашлари мумкин.
