Сўнгги бир кунда Исроилнинг бутун сектор бўйлаб уюштирган ҳужумлари оқибатида 79 киши ҳалок бўлди ва 400 га яқин киши яраланди, янги қурбонлар ҳақидаги хабарлар бериб борилмоқда, дея маълум қилди телеканал. Шунингдек, ишғол қилинган Ғарбий Соҳилдаги Рамаллаҳ шимоли-шарқида жойлашган Кафр-Малек қишлоғига исроиллик кўчманчилар томонидан уюштирилган ҳужум чоғида 3 нафар фаластинлик ҳалок бўлгани, яна бир қанчаси яралангани хабар қилинди, деб хабар беради tass.ru.