Айни дамда мазкур вилоятнинг Бобур шаҳарчасида “Андижон полкаси” рақсининг “Гиннеснинг рекордлар китоби”га киритилишига бағишланган концерт дастурига тайёргарлик жараёнлари бўлиб ўтмоқда.
Ушбу лойиҳа орқали Андижон тимсолида жаннатмонад юртимизнинг ўзбек рақс санъатини, бетакрор маданиятимизни халқаро миқёсда кенг тарғиб этиш мақсад қилинган.
Маълмот ўрнида айтиб ўтиш жоизки, Халқаро туркий маданият ташкилоти – ТУРКСОЙ 1993 йил 12 июлда Қозоғистоннинг Олмаота шаҳрида Озарбайжон, Қозоғистон, Қирғизистон, Ўзбекистон, Туркия ва Туркманистон маданият вазирлари томонидан имзоланган келишув асосида таъсис этилган.
ТУРКСОЙ туркий халқлар ўртасида маданий алоқаларни мустаҳкамлаш, жумладан, тил, адабиёт, мусиқа, театр, кино ва анъанавий санъат каби қатор йўналишларда умумий меросни асраб-авайлаш, тарғиб қилиш ва келажак авлодларга етказиш мақсадида фаолият юритиб келаётган кўп томонлама халқаро ташкилот ҳисобланади.
Тантанали тадбир тафсилотларини кун давомида бериб борамиз.
Гуличеҳра Дурдиева,
“Янги Ўзбекистон” мухбири
