Жамиятда тинчлик ва осойишталикни таъминлаш, аҳоли саломатлигига таҳдид солувчи иллатларнинг олдини олиш, айниқса, гиёҳвандлик воситаларининг ноқонуний айланмасига чек қўйиш борасида ҳуқуқни муҳофаза қилувчи органлар томонидан тизимли ишлар амалга оширилмоқда.
“Хавфсиз ва соғлом юрт” тезкор-профилактик тадбирлари доирасида ДХХ Чегара қўшинлари ва Андижон вилояти бўйича бошқармаси ҳамда вилоят Ички ишлар бошқармаси ҳамкорлигида тезкор тадбир ўтказилди.
Хусусан, Булоқбоши тумани ҳудудида ҳаракатланаётган “Нексия” русумли автотранспорт воситаси тўхтатилиб, холислар иштирокида кўздан кечирилганда, унда йўловчи сифатида кетаётган, 1978 ва 1985 йилларда туғилган 2 нафар маҳаллий фуқаронинг ёнида 470 гр “гашиш” моддаси борлиги аниқланиб, процессуал тартибда расмийлаштириб олинди. Терговга қадар текширув давомида ушбу тақиқланган модда қўшни давлатдан контрабанда қилинганлиги маълум бўлди.
Бошқа ҳолатда эса ДХХ Чегара қўшинлари ва Фарғона вилояти бўйича бошқармаси ҳамда вилоят Ички ишлар бошқармаси ҳамкорлигида тезкор тадбир ўтказилди.
Унда Фарғона туманида истиқомат қилувчи, 1968 й.т. фуқаронинг яшаш хонадони холислар иштирокида кўздан кечирилиб, ушбу манзилдан қуритилган ҳолатда сақланаётган 482 гр кўкнори гиёҳвандлик воситаси ашёвий далил сифатида олинди.
Ҳозирда ҳар икки ҳолат юзасидан мазкур шахсларга нисбатан жиноят ишлари қўзғатилиб, тергов ҳаракатлари олиб борилмоқда.
