Маълум қилинишича, суюлтирилган газ бўлими масъул шахслари 4 та маҳалла фуқаролар йиғини ҳудудида яшовчи аҳолига газ етказиб берилгани ҳақида электрон дастурга сохта маълумотлар киритган.

Оқибатда 550 миллион сўмлик суюлтирилган газ талон-торож қилингани аниқланган.

Мазкур ҳолат юзасидан Жиноят кодексининг 167-моддаси — ўзлаштириш ёки растрата йўли билан талон-торож қилиш ҳамда 228-моддаси — ҳужжатлар, штамплар, муҳрлар ва бланкаларни қалбакилаштириш ёки улардан фойдаланиш аломатлари билан жиноят иши қўзғатилган.

Ҳозирда ҳолат юзасидан тергов ҳаракатлари олиб борилмоқда.