Ma’lum qilinishicha, suyultirilgan gaz boʻlimi mas’ul shaxslari 4 ta mahalla fuqarolar yigʻini hududida yashovchi aholiga gaz etkazib berilgani haqida elektron dasturga soxta ma’lumotlar kiritgan.

Oqibatda 550 million soʻmlik suyultirilgan gaz talon-toroj qilingani aniqlangan.

Mazkur holat yuzasidan Jinoyat kodeksining 167-moddasi — oʻzlashtirish yoki rastrata yōli bilan talon-toroj qilish hamda 228-moddasi — hujjatlar, shtamplar, muhrlar va blankalarni qalbakilashtirish yoki ulardan foydalanish alomatlari bilan jinoyat ishi qōzgatilgan.

Hozirda holat yuzasidan tergov harakatlari olib borilmoqda.