Маълум бўлишича, мансабдор шахс кредит таъминоти учун гаровга қўйилган мулкларни аукцион ва тўғридан-тўғри сотувга чиқариш ваколатига эга бўлган. У хизмат мавқейидан фойдаланиб, шахсий манфаат кўзлаган.

Хусусан, Асака туманида жойлашган, умумий қиймати 16,8 млрд сўмлик хусусий даволаш марказининг 4 қаватли биноси аукциондан сотилмай қолганидан сўнг, унинг нархини 12 млрд сўмга туширган.

Шу орқали мазкур объектни банк ҳисобига олиб, маҳаллий тадбиркорга аукционсиз, 7 йил муддатга фоизсиз кредит асосида расмийлаштириб бериш эвазига 90 минг АҚШ доллари талаб қилган.

Давлат хавфсизлик хизмати томонидан ўтказилган тезкор тадбирда мансабдор шахс 40 минг АҚШ долларини олаётган вақтида ашёвий далиллар билан ушланган.

Ҳозирда мазкур ҳолат юзасидан жиноят иши қўзғатилиб, тергов ҳаракатлари давом этмоқда.