18–22 май кунлари ўтказиладиган ушбу йирик маданий тадбир юртимиз тасвирий санъат тарихида мутлақо янги даврни бошлаб берди.
Тантанали тадбирда Андижон вилояти ҳокими Шуҳратбек Абдураҳмонов, Ўзбекистон Бадиий академияси раиси Акмал Нур, шунингдек, республикамизнинг барча ҳудудларидан ташриф буюрган таниқли рассомлар, ҳайкалтарошлар, фоторассомлар ҳамда кенг жамоатчилик вакиллари ва ижодкорлар иштирок этдилар.
Очилиш маросимида сўзга чиққан вилоят ҳокими тадбир иштирокчилари ва меҳмонларни қутлар экан, мазкур фестивалнинг минтақа учун тарихий аҳамиятини алоҳида таъкидлади.
Фестивалнинг очилиш маросими вилоят санъаткорларининг катта концерт дастури ҳамда санъат кўргазмалари билан давом этди. Санъат байрами 22 майга қадар давом этади.
