Бу ҳақда Ўзбекистоннинг АҚШдаги элчиси Фурқат Сидиқов маълум қилди.

Қайд этилишича, мазкур айвон Президент Шавкат Мирзиёев томонидан АҚШ мустақиллигининг 250 йиллиги муносабати билан Америка Президенти Дональд Трамп ва Америка халқига тақдим этилган.

Элчи ушбу қимматли совғани Америка халқи номидан қабул қилгани учун Президент Дональд Трампга миннатдорлик билдирган.

Маросим давомида Президент Трампнинг вертолёти боғ узра парвоз қилган. Бу ҳолат тадбирга ўзига хос рамзий маъно бағишлаган.

Ўзбек миллий меъморчилиги ва ҳунармандчилигининг намуналари бўлган айвонлар икки мамлакат ўртасидаги дўстлик ва стратегик шериклик рамзига айланиши кутилмоқда.

Шунингдек, улар дунёнинг турли бурчакларидан келадиган сайёҳларга ўзбек маданияти ва санъати билан яқиндан танишиш имконини беради. АҚШдаги ўзбек диаспораси учун эса миллий анъаналарни асраб-авайлаш ва маданий тадбирлар ўтказиш маскани бўлиб хизмат қилиши режалаштирилган.