АҚШ Транспорт хавфсизлиги маъмурияти (TSA) ва АҚШ Касалликларни назорат қилиш ва олдини олиш марказларининг (CDC) Эбола вируси тарқалишига қарши курашишга қаратилган талабларига мувофиқ, 2026 йил 16 ноябрдан бошлаб халқаро парвозлар учун қўшимча қоидалар жорий этилади. Ушбу чоралар 2027 йил 16 февралгача сақланиб қолади ва АҚШга, АҚШ ҳудуди орқали транзит ўтувчи, шунингдек, АҚШдан сафарни расмийлаштираётган йўловчиларга нисбатан қўлланилади.
Белгиланган қоидаларга кўра, Америка Қўшма Штатларига парвозга чиқишдан олдин ҳар бир йўловчи парвоздан олдинги 21 кун ичида Конго Демократик Республикаси (КДР) ҳудудида бўлмаганлиги тўғрисида мажбурий тасдиқнома (Attestation) тақдим этиши шарт. Ушбу тасдиқловни текшириш рўйхатга олиш устунларида ва самолётга чиқишдан олдин ҳужжатларни текширишда амалга оширилади.
Саёҳатни режалаштиришда ушбу талабларни инобатга олиш ва барча парвоз олди тартиб-қоидаларидан хотиржам ўтиш учун аэропортга олдиндан етиб келиш сўралди.