Япониянинг Китакушу шаҳри 22 октябрь – 3 ноябр кунлари бадиий гимнастика бўйича жаҳон чемпионатига мезбонлик қилади.

Нуфузли мусобақада Лилия Власова мураббийлиги остида ўзбекистонлик спортчилар ҳам иштирок этишадиган бўлди. Ҳозирча жаҳон чемпионатида иштирок этиш учун терма жамоамизнинг кенгайтирилгани таркибига 4 нафар спортчи киритилди. Булар – Сабина Ташкенбаева, Тахмина Икромова, Екатерина Фетисова, Мария Пак.

Маълумот учун, ушбу кенгайтирилган таркибдан фақатгина икки нафар спортчи якуний таркибда қолади. Шунингдек, жаҳон чемпионатида ҳамюртимиз Майя Филлипова ҳам ҳакам сифатида иштирок этиши кутилмоқда.