Бу ҳақда Баҳрайн Ички ишлар вазирлиги эълон қилди.
Вазирлик баёнотида айтилишича, ушбу фуқаролар Эрон ҳужумларига хайрихоҳлик билдиришган ва маъқуллашган.
28 февраль куни АҚШ ва Исроил Эронга қарши ҳарбий операция бошлашди ва бир нечта шаҳарларга ҳужум қилишди. Операция Яқин Шарқда вазиятнинг кескинлашишига, барча Форс кўрфази давлатларини можарога жалб қилинишига ва Ҳормуз бўғозини тўсиб қўйилишга олиб келди.
Эрон, АҚШ ва унинг иттифоқчилари 2026 йил 8 апрель кечаси сулҳ битимига эришишди, кейинчалик АҚШ Президенти Дональд Трамп уни номаълум муддатга узайтирди.
11-12 апрель кунлари Покистон воситачилигида Исломободда Эрон ва АҚШ ўртасида музокаралар бўлиб ўтди. Узоқ музокаралардан сўнг томонлар келишувга эришмасдан учрашувни якунлашди, деб хабар берди report.az.
ОАВ хабарларига кўра, Эрон ва АҚШ ўртасидаги музокараларнинг яна бир босқичи 27 апрель куни Исломободда бўлиб ўтиши режалаштирилган эди, бу фактни Оқ уй тасдиқлади. АҚШ Президентининг элчиси Стив Уиткофф ва Президентнинг куёви Жаред Кушнер шанба куни Исломободга учиб кетиши режалаштирилган эди, аммо бундан бироз олдин Трамп ўз вакилларининг Покистонга сафарини бекор қилганини эълон қилди.
