Тантанали тадбирда университет раҳбарияти, профессор-ўқитувчилар, битирувчи магистрлар ҳамда уларнинг ота-оналари иштирок этди.
Маросимни университет ректори Садоқат Сиддиқова кириш сўзи билан очиб, магистрларни эришган ютуқлари билан самимий муборакбод этди. Ректор ўз нутқида битирувчиларга келгусидаги илмий изланишлари, касбий фаолияти ва Ватан равнақи йўлидаги эзгу ишларида улкан муваффақиятлар тилади.
Жорий йилда Бухоро давлат техника университетининг магистратура босқичини 36 та мутахассислик бўйича таҳсил олган 127 нафар магистр муваффақиятли тамомлаб, ҳаётларининг янги ва масъулиятли босқичига қадам қўйди.
