Бензема аср рекордини қайд этди

Спорт 23 сен 2021, 12:36 760

Мадриднинг “Реал” жамоаси ҳужумчиси Карим Бензема Ла Лига 6-туридан ўрин олган “Мальорка”га (6:1) қарши баҳсда дублга эришди ва яна икки голга ассистентлик қилди, дейилади euro-football.ru сайтида.

Бунинг натижасида “Реал” ҳужумчиси Карим Бензема жорий мавсумнинг ўтган олтита ўйинига кўра, рекорд кўрсаткични қайд этди. Гап шундаки, франциялик футболчи Испания Ла Лигаси жорий мавсуми доирасидаги олтита ўйинда рақиблар дарвозасига саккизта гол киритиб, еттита голли узатмани ўз ҳисобига ёзиб қўйишга эришди. Бу — ХХI асрда дастлабки 6 тур бўйича топ-5 лигалар рекорди саналади.