Мазкур нуфузли маданий тадбир миллий мерос ва бой фольклор анъаналарини кенг тарғиб этишга қаратилган бўлиб, унда маҳаллий ва хорижий санъаткорлар, фольклор жамоалари ҳамда расмий делегациялар иштирок этмоқда.
Вилоят ҳокимлиги ахборот хизматининг хабар беришича, тантанали очилиш доирасида вилоят ҳокими Улуғбек Қосимов хорижий меҳмонлар билан биргаликда шаҳар ва туманлар павильонларида ташкил этилган кўргазмаларни кўздан кечирди. У ерда миллий ҳунармандчилик намуналари, халқ амалий санъати асарлари ва анъанавий турмуш тарзига оид экспозициялар намойиш этилмоқда.
Фестиваль доирасида турли халқларнинг фольклор санъати, миллий қадриятлари ва урф-одатлари кенг жамоатчиликка тақдим этилаётгани алоҳида эътиборга молик. Бу эса миллатлар ўртасида маданий мулоқотни кучайтириш, ўзаро ҳурмат ва ҳамжиҳатликни мустаҳкамлашга хизмат қилмоқда.
Таъкидланишича, «Бойсун баҳори» нафақат маданий алмашинув майдони, балки халқлар ўртасидаги дўстлик ришталарини мустаҳкамловчи халқаро платформа сифатида ҳам муҳим аҳамиятга эга.
