Эртага эса тест синовларининг 23 июль куни топширилган натижалари ҳам эълон қилинади. Шу билан барча абитуриентларнинг тест натижалари тўлиқ маълум қилинган бўлади.
Шундан сўнг, тахминан 25 июлдан 8 августгача абитуриентларга олий таълим муассасалари, бакалавриат таълим йўналишлари ва таълим шаклларини танлаш имконияти яратилади.
Йўналиш танлаш жараёни якунлангач, 8–17 август кунлари якуний мандатни шакллантириш ишлари олиб борилади. Амалдаги тартибга кўра, мандат натижалари 17 август куни эълон қилиниши кутилмоқда.
Шундан сўнг, 18–27 август кунлари олий таълим муассасасига талабаликка тавсия этилмаган абитуриентлар техникумларни танлаш имкониятига эга бўлади.
Муҳим саналар:
14–23 июль — тест синовлари;
25 июль–8 август — олий таълим муассасаси, таълим йўналиши ва таълим шаклини танлаш (тахминий муддат);
8–17 август — якуний мандатни шакллантириш (тахминий муддат);
17 август — мандат натижалари эълон қилиниши кутилаётган сана;
18–27 август — олийгоҳга кира олмаган абитуриентлар учун техникумларни танлаш босқичи (тахминий муддат).
Маълумот учун, 2025/2026-ўқув йили қабули бўйича мандат натижалари 13 август куни эълон қилинган эди. Яъни мандат қонунчиликда белгиланган муддатдан олдин, 5 кунда чиққан. Жорий йилги қабулда эса абитуриентлар сони ўтган йилга нисбатан 54,5 минг нафарга камайиб, 677 минг 907 нафарни ташкил этди. Ўтган ўқув йилида бу кўрсаткич 732 минг 411 нафар бўлган. Мандат натижалари бу йил ҳам белгиланган муддатдан олдинроқ эълон қилиниш эҳтимоли бор.
@mandatjavobbot орқали қайси олийгоҳда қандай йўналишлар борлиги ва ҳар бирининг ўтиш баллари билан танишиш мумкин.
@nodavlattalim — нодавлат олий таълим муассасалари ҳақида расмий хабарлар!
