Учрашувда сиёсий-дипломатик мулоқотни янада чуқурлаштириш, транспорт-логистика йўлакларини диверсификация қилиш, савдо-иқтисодий ва инвестициявий алоқаларни кенгайтириш, шунингдек, саноат кооперациясини ривожлантириш масалаларига алоҳида эътибор қаратилди.
Шунингдек, тармоқлараро ҳамкорлик истиқболлари, жумладан, қишлоқ хўжалиги, тўқимачилик ва кимё саноати, энергетика ҳамда электротехника соҳаларида қўшма лойиҳаларни амалга ошириш, Марказий Осиё ва Жанубий Кавказ мамлакатлари ишбилармон доиралари ҳамда ҳудудлари ўртасидаги тўғридан-тўғри алоқаларни мустаҳкамлаш масалаларини муҳокама қилинди.
Ҳамкорликнинг муҳим йўналишлари сифатида туристик йўналишларни ривожлантириш, халқларимиз ўртасидаги тарихий-маданий алоқаларни чуқурлаштириш ва Буюк ипак йўли мероси салоҳиятидан самарали фойдаланишни қайд этилди.
"Ўзаро манфаатли ҳамкорликни кенгайтириш, минтақалараро шерикликни ривожлантириш ва боғлиқликни мустаҳкамлаш борасидаги биргаликдаги ишларни давом эттиришга тайёрлигимизни тасдиқладик", деди Бахтиёр Саидов.
