Аризалар қуйидаги платформалар орқали юборилади:
2 та узрли сабабга кўра республиканинг бир давлат олий таълим ташкилотидан бошқа олий таълим ташкилотига ёки бир олий таълим ташкилоти доирасида ўқишни кўчириш, шунингдек, бир олий таълим ташкилоти доирасида ўқишни қайта тиклаш бўйича аризалар– “transfer.edu.uz”;
хорижий ва нодавлат олий таълим ташкилотларидан давлат олий таълим ташкилотларининг мос ва турдош бакалавриат таълим йўналишларига – “my.uzbmb.uz”.
Янги тартибга кўра, хорижий ва нодавлат ОТТлардан давлат ОТТларига ўқишини кўчиришда:
умумтаълим фанлари ҳамда чет тили бўйича миллий сертификатлар ахборот тизими орқали автоматик аниқланади;
халқаро сертификатлар эса талабгор томонидан бошқа ҳужжатлар билан бирга электрон тарзда юкланади.
Эслатиб ўтамиз, Вазирлар Маҳкамасининг 2026 йил 11 июндаги 299-сон қарорига мувофиқ, хорижий ва нодавлат олий таълим ташкилотларидан давлат ОТТларининг мос ва турдош бакалавриат таълим йўналишларига ўқишини кўчиришда чет тили ҳамда умумтаълим фанлари бўйича миллий ёки халқаро сертификатга эга талабгорларга тегишли фанлардан табақалаштирилган ёки максимал балл берилади.
Аризаларни қабул қилиш 2026 йил 5 августга (шу куни ҳам) қадар давом этади.
