Маълум қилинишича, ҳолат бўйича адвокатга нисбатан тергов ҳаракатлари, судьяга нисбатан эса Судьялар олий кенгаши томонидан хизмат текшируви ўтказилмоқда.
Айни пайтгача хизмат текшируви ва тергов жараёнида судьянинг адвокатдан пул сўрагани ёки олганини тасдиқловчи бирор-бир далил аниқланмаган.
Пул маблағлари адвокатнинг ёнидан ҳамда судьянинг хизмат хонасига кириш қисмидаги шкафнинг очиқ, барчага кўриниб турадиган ўрта қисмидан расмийлаштириб олинган.
Судьялар олий кенгаши матбуот котиби хабар беришича, айни пайтда хизмат текшируви ва тергов жараёнлари давом этмоқда. Уларнинг натижалари юзасидан қўшимча ахборот берилади.
Шунингдек, тасдиқланмаган маълумотларни тарқатмаслик, айбсизлик презумпциясига риоя қилиш ва шошилинч хулосалар чиқармаслик сўралди.
