Тадбир давомида Қоракўл туманида яшовчи уч нафар фуқаро томонидан тўрлар ёрдамида ноқонуний балиқ овлаш ҳолати аниқланди.
Улардан 342 дона зоғора балиқ, шунингдек Туркистон мўйловдори (Қизил китобга киритилган)дан 2 дона овлангани маълум бўлди. Шунингдек, 3 дона кулранг ғоз тухуми ҳам топилган.
Мутахассислар хулосасига кўра, мазкур ҳолат оқибатида табиатга 717 миллион сўм зарар етказилган. Далилий ашё сифатида 344 дона балиқ ва тақиқланган ов воситалари мусодара қилинди.
Ҳозирда ҳолат юзасидан тегишли идоралар томонидан тергов-суриштирув ишлари олиб борилмоқда.
