Бу ҳақда Фавқулодда вазиятлар вазирлиги маълум қилди.
Қайд этилишича, бугун, 22 июнь куни соат 16:50 да Тошкент вилояти Фавқулодда вазиятлар бошқармаси ғаввос-қутқарувчилари томонидан олиб борилган қидирув ишлари давомида иккинчи боланинг жасади ҳам сувдан олиб чиқилган.
Эслатиб ўтамиз, 17 июнь куни Бўстонлиқ туманидаги “Обод” маҳалласида яшовчи 2016 ва 2018 йилларда туғилган икки нафар вояга етмаган бола яшаш уйи яқинидан оқиб ўтувчи Бўзсув каналига эҳтиётсизлик оқибатида тушиб кетган.
Ҳодиса юзасидан қутқарувчилар томонидан бир неча кун давомида қидирув ишлари олиб борилди. 21 июнь куни болалардан бирининг жасади топилган эди.
Бугун иккинчи боланинг ҳам жасади аниқланиши билан қидирув-қутқарув ишлари якунланди.
