Ҳарорат 13-18 даража атрофида бўлади. Эртага ҳаво оқими шарққа томон силжийди. Ёғингарчилик эҳтимоли фақат республиканинг айрим тоғли ҳудудларидагина сақланиб туради. Мамлакатимиз ҳудуди устида булутлилик сақланиб туриши ҳисобига эртага ҳарорат ўзгармайди. Якшанба куни жануби-ғарбий оқимлар ҳисобига совуқ ҳаво Ўзбекистон ҳудудидан чекинади. Бутун республика бўйича об-ҳаво кам булутли ва қуруқ бўлади. Кечаси ҳарорат 3-6 даража илиқ бўлади, кундузи 17-20 даражагача исийди, бундай ҳарорат меъёрий қийматлардан бироз паст, деб хабар беради Ўзбекистон гидрометеорология маркази.