Бугун, 19 август куни бўлиб ўтган йиғилишда Ижроия қўмитасининг 8 нафар аъзоси мазкур масалани кўриб чиқди.
Барча аъзолар йиғилишда иштирок этган. Улардан Одил Аҳмедов ва Алишер Юсупов Куала-Лумпурдан, Элбек Саматов эса Андижондан туриб масофавий тарзда овоз берган.
Қайд этилишича, 17 август куни Ассоциация президенти Баҳодир Қурбонов томонидан имзоланган тақдимнома Лига Ижроия қўмитасига юборилган ва унда бош директор лавозими учун Диёp Имомхўжаев номзоди илгари сурилган эди.
Йиғилиш якунига кўра, Ижроия қўмитасининг барча аъзоси уни бир овоздан бош директор сифатида тасдиқлади.
Шу тариқа, Диёp Имомхўжаев 2026 йил 19 августдан бошлаб кейинги тўрт йил давомида Лига бош директори вазифасини бажаради.
