28 июлдан 6 сентябрга қадар ўтказилаётган акция аҳоли пунктларининг санитария ҳолатини яхшилаш, ҳудудларни ободонлаштириш, чиқиндиларни ўз вақтида олиб чиқиш ва экологик маданиятни оширишга қаратилган.
Айни пайтга қадар республикадаги 8 150 та маҳалланинг 3 604 таси акция тадбирлари билан тўлиқ қамраб олинган. Ҳар куни ишларга ўртача 3–4 минг дона махсус техника ва 8–10 минг нафар ходим жалб этилмоқда.
Хусусан, 5 август куни 2 732 дона махсус техника ва 8 996 нафар ходим сафарбар қилиниб, бир суткада 18,2 минг тонна маиший ва 304,3 тонна қурилиш чиқиндиси олиб чиқилди.
Техникаларнинг узлуксиз ишлашини таъминлаш мақсадида аниқланган 64 та носозликнинг 52 таси бартараф этилди, 12 та техника алмаштирилди. Фавқулодда ҳолатлар учун 155 та махсус техника захирада сақланмоқда.
Акция доирасида чиқиндилар билан боғлиқ 97 та ҳуқуқбузарлик аниқланиб, жами 165,4 миллион сўм жарима қўлланилди.
Аҳолидан келиб тушган 327 та мурожаатнинг 275 таси жойида ҳал этилди, 52 таси бўйича ўрганиш ишлари давом этмоқда.
Шунингдек, акциянинг дастлабки 10 кунида 137 та чиқинди полигонига 125 526 тонна чиқинди жойлаштирилган. Бунинг учун махсус техникалар томонидан 39 130 та қатнов амалга оширилган.
«Долзарб 40 кунлик» акцияси доирасидаги ишлар тасдиқланган режа асосида давом эттирилмоқда.
