Биринчи ўринда 1,48 миллиардга яқин аҳолиси бўлган Ҳиндистон, ундан кейин 1,41 миллиард аҳолига эга Хитой туради. Бу икки Осиё давлатига дунё аҳолисининг деярли 35 фоизи тўғри келади. Учинчи ўринни АҚШ эгаллаган – 349 миллионга яқин аҳоли.
Ундан кейинги ўринларда Индонезия (288 миллион) ва Покистон (260 миллион) жой олган.
Нигерия Африканинг аҳолиси энг зич жойлашган давлати бўлиб, тахминан 243 миллион аҳоли билан олтинчи ўринни эгаллайди. Рўйхатни 213 миллион аҳоли яшайдиган Бразилия якунлайди.
Инфографикадан кўриниб турибдики, бу етти давлат биргаликда Ер аҳолисининг тахминан 51,2 фоизини ташкил қилади.
БМТ ҳисоб-китобларидан фойдаланган ҳолда тайёрланган Data Reportal Digital 2026 Global Overview Report ҳисоботида ўтган йилнинг октябрь ойида дунё аҳолиси тахминан 8,25 миллиард кишига баҳоланган. Унда, шунингдек, Ҳиндистон Хитойни ортда қолдириб, сайёрамиздаги энг кўп аҳолига эга мамлакатга айлангани қайд этилган.
Етти мамлакатда демографик тенденциялар бир-биридан фарқ қилади. Ҳиндистон, Покистон ва Нигерия аҳолиси ўсишда давом этмоқда, Хитойда эса унинг қисқариши кузатилмоқда.
DataReportal маълумотларига кўра, 2025 йил октябрь ойигача бўлган 12 ой ичида Хитой аҳолиси тахминан 3,25 миллион кишига камайган, Ҳиндистон аҳолиси эса деярли 12,9 миллион кишига кўпайган. Бу маълумотлар сайёра аҳолисининг нотекис тақсимланганлигини яққол кўрсатиб турибди: бор-йўғи еттита давлатда дунёнинг қолган барча давлатларини қўшиб ҳисоблаганда кўпроқ одам яшайди, деб ёзади naked-science.ru.
