“Дунё” АА хабарига кўра, Навоий вилоятида туғилган О.В. оғир вазиятга тушиб қолгани ҳақида Ўзбекистоннинг Екатеринбург шаҳридаги Бош консулхонасига маълум қилинган.
Мурожаат зудлик билан ўрганилиб, фуқаро консулхонага чақирилди ва у билан суҳбат ўтказилди. Шундан сўнг унинг яқинлари билан боғланиб, доимий яшаш жойига хавфсиз қайтариш чоралари кўрилди.
Бош консулхона кўмагида ҳамюртимиз учун Екатеринбург–Тошкент йўналиши бўйича авиачипта харид қилиниб, унинг Ўзбекистонга қайтиши таъминланди.
Бош консулхона хорижда оғир вазиятга тушиб қолган Ўзбекистон фуқароларига зарур консуллик ёрдамини кўрсатиш ва уларнинг ҳуқуқ ҳамда қонуний манфаатларини ҳимоя қилиш ишларини изчил давом эттирмоқда.
