Ушбу кўриниш энг узун қирғоқ чизиғига эга бўлган 20 та мамлакатни ўз ичига олади ва ҳар бир мамлакатнинг қирғоқлари узунлигини география қандай белгилаганини кўрсатади. Маълумотлар WorldAtlas’дан олинган бўлиб, Ҳиндистон учун кўрсаткичлар Ҳиндистон ҳукуматининг Ер фанлари вазирлиги маълумотлари асосида янгиланган, деб хабар берди naked-science.ru.
Канаданинг ноёб қирғоқ чизиғи кўп жиҳатдан Арктикага тегишли. Бу ерда минглаб ороллар, қўлтиқлар ва бўғозлар ғайриоддий қирғоқ чизиғини ҳосил қилади. Дарҳақиқат, ушбу мамлакат қирғоқлари чизиғининг 70 фоиздан ортиғи Арктикага тўғри келади. Шу сабадан бўлса керак, унинг шимолий географияси рейтингда етакчи.
Норвегия қирғоқ чизиғи чуқур жойлашган фиордлар (қуруқлик ичкарисига кириб борган тор ва узун денги қўлтиғи) ва деярли 239 100 та қирғоқ оролларидан ташкил топган.
Узунлиги 99 083 километр бўлган қирғоқ чизиғи учинчи ўриндаги Индонезиядан тахминан 70 фоизга узунроқ. Индонезиянинг қирғоқ чизиғи 17 500 дан ортиқ ороллардан иборат архипелаг бўйлаб чўзилган (бу рейтигда учинчи ўрин).
Бошқа орол давлатлари, жумладан, Филиппин (36 289 километр) бешинчи ва Япония (29 750 километр) олтинчи ўринда туради. Австралия 25 761 километр билан еттинчи ўринда, Янги Зеландия эса 15 134 километр билан тўққизинчи ўринда.
Бу мамлакатлар дунёдаги энг йирик қуруқлик массивлари билан қизиқарли қарама-қаршиликни ифодалайди. Майдони бўйича дунёдаги энг йирик давлат бўлган Россия 37 652 километр қирғоқ чизиғи билан тўртинчи, АҚШ эса 19 924 километр қирғоқ чизиғи билан саккизинчи ўринда туради. Бу нима учун мамлакатнинг қуруқлик майдони унинг қирғоқ чизиғи умумий узунлигининг ишончли кўрсаткичи эмаслигини яққол кўрсатади.
Етакчилар ўнлигини 14 499 километр қирғоқ чизиғи билан Хитой, 13 676 километр билан Греция ва 12 429 километр билан Буюк Британия якунлайди. Ҳиндистон 2025 йилда қирғоқ чизиғининг расмий ўлчови қайта кўриб чиқилгандан сўнг 11 099 километр билан 13-ўринни эгаллади.
Қирғоқ чизиғининг узунлиги ўлчаш услубиятига қараб сезиларли даражада фарқ қилиши мумкин. Батафсилроқ ўлчовлар кичик кўрфаз, қўлтиқ ва оролларни ҳисобга олади, бу эса кўпинча катта якуний қийматларни беради. Бу турли манбаларда рейтинглар нима учун фарқ қилиши мумкинлигини тушунтиришга ёрдам беради.
Рейтингга фақат суверен давлатлар ҳам киритилган. Масалан, дунёдаги энг катта орол Гренландия тахминан 44 088 километр қирғоқ чизиғига эга. Агар у мустақил давлат бўлганида, Россияни ортда қолдириб, дунёда тўртинчи ўринни эгаллаган бўларди.
