Бу бўйича Ҳукуматнинг қарори билан “Ёввойи ҳолда ўсувчи ўсимликларнинг техник ва доривор хомашёсини, озиқ-овқат мақсадлари учун ёввойи ҳолда ўсувчи ўсимликларни йиғиш ва тайёрлаш тартиби тўғрисида”ги низом тасдиқланди.
Низомга кўра, жисмоний ва юридик шахслар ёввойи ҳолда ўсувчи ўсимликлар объектларининг фойдаланувчилари бўлиши мумкин.
Фанлар академияси мазкур хомашё ва ўсимликларни махсус фойдаланиш тартибида йиғиш ва тайёрлаш захирасини аниқлайди.
Бунда ёввойи ўсимликлар ўсадиган ерларнинг умумий майдони 0,1 гектардан, ўт қопламаси 10 фоиздан кам бўлмаслиги лозим.
Фанлар академияси ҳар йили 15 апрелгача туман (шаҳар) кесимида тегишли захиралар тўғрисидаги хулосани Экология қўмитасига тақдим этади.
Ёввойи ўсимликлардан махсус фойдаланишнинг йиллик квотаси ҳар йили 10 майгача Экология қўмитаси раисининг буйруғи билан тасдиқланади.
