Хусусан, вилоят Ички ишлар ва Божхона бошқармалари ходимларини жалб қилган ҳолда ўтказилган тезкор тадбирда Фарғона шаҳар Бешбола МФЙда яшовчи, 1982 й.т. аёл келгусида сотиш мақсадида 5 кг 936 гр “гашиш” моддасини майда шағал уюми ичига яшириб қўйганлиги аниқланди ва ашёвий далил сифатида олинди.
Таъкидлаш лозим, мазкур аёл муқаддам айнан гиёҳвандлик воситалари билан боғлиқ жинояти учун судланган бўлсада ўз хатосидан тўғри хулоса чиқармаган.
Ҳозирда унга нисбатан Жиноят Кодексининг 25,273-моддаси 5-қисми “а” банди билан жиноят иши қўзғатилиб, тергов ҳаракатлари доирасида унинг шерикларини аниқлаш бўйича чоралар кўрилмоқда.
