И. Абдураҳмонов ўсимликлар геномикаси ва биотехнологияси соҳасидаги илғор тадқиқотларга қўшган ҳиссаси, илмий инновациялар ва қишлоқ хўжалигини ривожлантиришдаги стратегик раҳбарлиги, шунингдек, озиқ-овқат хавфсизлиги, илмий салоҳият ва иқтисодий имкониятларни мустаҳкамлашга қаратилган жамоатчилик фаолияти учун лауреати деб топилган.
У тадқиқот, илмий муассасаларни ривожлантириш, таълим ва илмий-сиёсий йўналишлардаги самарали фаолияти орқали илм-фаннинг қишлоқ хўжалигини такомиллаштириш ва инсон фаровонлигини юксалтиришдаги улкан аҳамиятини намоён этди. Унинг бу борадаги ютуқлари Ўзбекистон, Марказий Осиё ва ривожланаётган мамлакатларда муҳим аҳамият касб этмоқда.
Лауреатларга мукофотлар 28 октябрь куни Хитой Халқ Республикасидаги Нанкин қишлоқ хўжалиги университетида бўлиб ўтадиган тақдирлаш маросимида топширилади. Маросим онлайн тарзда ҳам намойиш этилади.
Икки нафар лауреатга топшириладиган мукофотлар Нанкин қишлоқ хўжалиги университетининг Таълимни ривожлантириш жамғармаси томонидан молиялаштирилган.
