Аланга 77 минг гектар майдонни қамраб олди. У ерда жами 120 дан ортиқ ёнғин қайд этилган. Эвроснинг асосий шаҳри Александруполис четидаги ўрмоннинг муҳим қисми ва бир нечта уй ёниб кетди. Бир неча кундан буён яна бир йирик ёнғинни ўчиришнинг имкони бўлмаяпти, ёнғин Афина ва Парнис миллий боғига яқинлашмоқда. Грециядаги ёнғинларни ўчиришга жами 600 дан ортиқ мутахассис жалб этилган. Уларга Европа Иттифоқи таркибига кирувчи 10 дан ортиқ давлат қутқарувчилари ёрдам бермоқда, деб хабар беради mir24.tv.