Дори воситаларининг ноқонуний айланувига қарши ўтказилган тезкор тадбирда кузатувга олинган автотранспорт воситаси белгиланган тартибда кўздан кечирилди. Натижада унинг орқа ўриндиғида турган сумка ичидан хорижда ишлаб чиқарилган, ҳеч қандай ҳужжатлари бўлмаган 2 номдаги, жами 60 дона дори воситалари борлиги аниқланди.
Кейин эса тезкор тадбир давом эттирилиб, гумонланувчи фуқаронинг ижарада яшаб келаётган хонадони ҳам кўздан кечирилди. У ерда ҳам хорижда ишлаб чиқарилган, ҳеч қандай ҳужжатлари бўлмаган 24 номдаги жами 1211 дона дори воситалари борлиги маълум бўлди ва баённома аосида расмийлаштириб олинди.
Шунингдек, гуманланувчининг фарзандига тегишли хонадон ҳам кўздан кечирилганида, у ерда ҳам хорижда ишлаб чиқарилган, ҳеч қандай ҳужжатлари бўлмаган 3 номдаги жами 9590 дона дори воситалари сақланаётган экан.
Шу тариқа, ўтказилган тезкор тадбирлар давомида жами 29 номдаги 1330 дона хорижда ишлаб чиқарилган дори воситалари ноқонуний муомаладан олиб қўйилди. Дастлабки ҳисоб-китобларга кўра, ушбу дори воситаларининг умумий қиймати 500 миллион сўмни ташкил этди.
Ҳолат юзасидан божхона органлари томонидан суриштирув ишлари олиб борилмоқда.
