Транспорт назорати инспекцияси Тошкент шаҳридаги автомобиль йўлларида ноқонуний қазиш ишлари, шунингдек, республика бўйлаб темир йўл объектларида ҳаракат хавфсизлигига таҳдид солувчи ҳолатлар ҳақида хабар қабул қилмоқда.
Бунинг учун @tni_murojaat_bot махсус боти орқали мурожаат юбориш мумкин.
Масалан, йўлда рухсатсиз қазиш ишлари олиб борилаётганини, темир йўл объектида хавфли ҳолат юзага келганини кўрсангиз, ҳолат ҳақида хабар беринг. Мурожаат масъул ходимлар томонидан ўрганилиб, аниқланган камчиликни бартараф этиш бўйича чора кўрилади.
Бир қарашда оддийдек кўринган қазилган йўл ёки темир йўлдаги носозлик кимнингдир ҳаётига хавф туғдириши мумкин. Шунинг учун хавфли ҳолатни кўрсангиз, хабар бериш — бефарқ қолмасликнинг бир йўли.
