Ҳисоб-китобларга кўра, дунёда 11–17 ёшдаги қарийб 240 миллион ўсмир, яъни уларнинг ҳар тўрт нафаридан бири сўровда баҳоланган ҳафтанинг ҳеч бир кунида етарлича жисмоний фаол бўлмаган. Бу уларнинг умуман ҳаракат қилмаганини англатмайди. Гап кун давомида фаол ҳаракатга сарфланган жами вақт хусусида бормоқда.
Ҳафтанинг барча етти кунида камида 60 дақиқадан фаол бўлган ўсмирлар улуши эса 14 фоизни ташкил этган.
Нега бу биз учун муҳим?
Мунтазам жисмоний фаоллик болаларнинг суяк ва мушаклари ривожланишини, юрак-қон томир саломатлигини қўллаб-қувватлайди. Шунингдек, фикрлаш ва ўрганиш қобилиятига, руҳий саломатликка ижобий таъсир кўрсатади.
Хўш, бола кун давомида қанча ва қандай ҳаракат қилиши керак? ЖССТ бу борада қуйидагиларни тавсия этади.
5–17 ёшдаги болалар ва ўсмирлар кунига камида бир соат ўртача ёки юқори даражада жисмоний фаол бўлиши лозим.
Фаолликнинг асосий қисмини юрак уриши ва нафас олишни тезлаштирадиган аэроб ҳаракатлар ташкил этиши керак.
Ҳафтасига камида уч кун мушак ва суякларни мустаҳкамловчи машқлар билан шуғулланиш муҳим.
ССВ Матбуот хизмати.