Йиғин доирасида терма жамоамиз 12 ноябрь куни Тошкентда Россия, 17 ноябрь куни эса Қатар пойтахти Доҳа шаҳрида Саудия Арабистонига қарши майдонга тушади.
Қайдномада янги футболчилар ҳам бор. Бироқ ҳимоячи Абдуқодир Ҳусанов бу сафар терма жамоа йиғинига чақирилмади. Ўзбекистон футбол ассоциацияси маълум қилишича, мураббийлар ва тиббий штаб футболчининг ҳолатидан келиб чиқиб, тикланиш жараёнини давом эттириши учун шундай қарорга келган.
Жамоа сардори Элдор Шомуродов эса оилавий сабабларга кўра йиғиннинг дастлабки кунларини ўтказиб юборади. Шу боис унинг Россияга қарши учрашувда иштирок этиши кутилмаяпти.
Ўйинлар тақвими:
- Ўзбекистон — Россия. 12 ноябрь, соат 20:00. «Пахтакор» стадиони, Тошкент.
- Саудия Арабистони — Ўзбекистон. 17 ноябрь, соат 20:30 (Тошкент вақти билан). «Жассим бин Ҳамад» стадиони, Доҳа.
